【有種PK...表面扮關心，其實食花生】
國泰今日腥風血雨，本來話裁200人，最後竟然係3倍，有成600人將會分批被裁，之前同幾位嚟自國泰嘅求職者傾過，佢哋都話有心理準備，最困擾反而係親戚朋友嘅whatsapp問候，因為有啲所謂「朋友」，只係想套下國泰內部啲料，甚至幸災樂禍，自己心情已經唔靚，仲要招呼班花生友。
另一邊廂，樂視都傳出今日開大會，決定係咪裁員，相信好多獵頭公司近月亦收到樂視員工嘅cv。佢哋之前已經裁過一輪，Office內人人自危，北京總部甚至cut埋國內職員嘅shuttle bus服務，香港呢邊又點可能獨善其身吖，據報4月嘅人工都遲咗出，但總算趕及喺勞工法例指定嘅7日內搞掂，所以事件未致於鬧大。
其中一位樂視員工表示，基本上大部分人都唔捨得，因為香港呢邊嘅管理層其實幾nice，有啲直情開綠燈俾員工出去interview，介紹埋工都仲有，所以上次裁員嗰陣，某啲department更加有同事攬住喊。呢位樂視員工亦提及到，公司唔掂已經係赤裸的秘密，裁員有哂心理準備，最唔開心咁啱又係應付花生友嘅whatsapp: 「唔係街外人喎，係講緊識嗰啲喎。」
佢話有位隔離台員工，每次見到樂視欠債或者裁員嘅新聞，就會whatsapp佢收風，講埋啲「仲未燒到你部門呀？」、「哈，出咗糧未呀?」、「今晚英超會唔會睇睇下cut咗架? 哈哈。」、「好在嗰陣冇轉過嚟做咋，好彩，😂😂😂。」 唔係加插啲「哈哈」或者emoji 就係友善同關心架，唔該考慮下人哋感受啦。
#又要寸人又要打錯個裁字 #國泰 #樂視
Search